პარლამენტის წინ მიმდინარე აქციაზე, ერთ-ერთმა გამოსვლელმა და ორგანიზატორმა, კონსტიტუციონალისტმა გიორგი მშვენიერაძემ პროტესტის პირველი ნაბიჯი გააჟღერა და 3 000 მომიტინგე მოითხოვა.
„პირველი ნაბიჯი – გვჭირდება 3 000 ადამიანი თქვენგან, რომელიც მზად იქნება მივიდეს პირველ სიმბოლოსთან. პირველი სიმბოლო არის „ქართული ოცნების“ ოფისი. აქედან 3 000 ადამიანი, არც მეტი არც ნაკლები. მე წამოვალ წინ და 3 000 ადამიანი ვდგებით „ქართული ოცნების“ ოფისთან, დანარჩენები რჩებით აქ და იქნება პირველი დამოუკიდებელი კერა, სადაც იქნება მკაცრი აქცია. თუ ხელისუფლება მომდევნო საათებში არ გადადგას ნაბიჯს უკან, ასეთი კერები ბევრი გაჩნდება“ – განაცხადა მშვენიერაძემ პარლამენტის წინ მიმდინარე აქციაზე.
პარლამენტიდან „ქართული ოცნების“ ოფისისკენ მსვლელობა უკვე დაიძრა. მსვლელობის მონაწილეები “სკანდირებენ” – გადადექი… გადადექი!
